Ka Khasi Student’s Union Nangbah Unit da pynkup burom ko ya ki khynnah kiwa da lehbha ha ka SSLC wa HSSLC yong uni u snem wa da dep da ka 1st Academic Award 2020, kam chibynta wow pynchlur ya ki khynnah wow nang minot chooh chooh neini chakhmat.
Ya ini i e khusnam da pynman ha Iawmusiang L.P. School Nangbah, wei da pynlai yaka yalang da u President ka KSU Nangbah Unit u Morning Star Pasi.
Ha kani ka sngi da emlang u Pynshai Rani (Publicity Secretary CEC) kam u kongsan wa u Shinningstar Kharbihkhiew (Asst. Education Secretary CEC) kam u symbood kongsan, da emlang leh uwa yahkhmat ka KSU-JHDU u Ohibait Dkhar (President), u Leningard Tariang (Organising Secy.), da em leh u waheh chnong ka Nangbah, u Dr. D. Hinge In-charge ka Nangbah PHC wa kiwi kiwi de ki waheh na ka chnong Nangbah.
Ka seiñ da yoh ko wow pynkup burom ya kamwa 16 ngut ki khynnah puræ kiwa wan chakhmat. Ka seiñ da pynkup burom ko leh ya u kongsan, symbood kongsan wa ya u waheh chnong ka chnong Nangbah.
