Pynkup burom ka KSU-Narpuh Circle ya ki 17 ngut da ka Mait Shaphrang Academic Award

Jowai: Ka Khasi Students’ Union (KSU) Narpuh Circle ynne ka 19 tarik da pynman ko ya ar tylli ki program, ka Awareness Program hajrong ka phang “Drugs Abuse” wei sa kawi won toh wow pynkup burom ya ki khynroo khyllood ka thaaiñ Narpuh kiwa da wan ha ka kyrdan 1^st Division ha ka Exam SSLC, HSSLC wa ya kiwa pyndep yaka Degree waphær waphær yong u snem 2019 da ka Mait Shaphrang Academic Award. Ya kini ki ar tylli ki program da pynman ha Holy Cross Hr. Sec. School Umkiang. Heiwa u Dr. B. Sumer uwa pait ya ka Public Health Centre (PHC) Umkiang da man u kam u Resource Person (bru chemphang) ha kani ka sngi uwa da klam hajrong ka phang “Drug Abuse”.

U Dr. B. Sumer hawa e yei klam hajrong katai ka phang da kyntu u ya ki khynroo khyllood ka Holy Cross Hr. Sec. School Umkiang kiwa wan ya chimbynta wow yait ki na waroh ki jait dih pynmuaid deiwa khana leh katwon ktah kini ki jait dih. Da ong u wa ki bru wa pynemkaam drug man ki kam ki dakha wa da chah eiñ kiwa ym lait de. Da ong u leh wa kini ki jait dih man ki i bih wa chyrkhei ya ka imlang sahlang, wei man ki leh i maa wa khroo yaka jaitbru.

Heiyatoh won waka program pynkup burom ya kiwa lai puræ, u Pynkmenlang Sanmiet President KSU NEHU Unit hawa e yei klam kam u kongsan, da ong u wa ha kini ki sngi wa katni, i stat man ko ka charak wa e yei che ya ki chnong ki thaw wa ya ka jaitbru. I yaleh pyrchah ya ki bor wa na baar kiwa wan wow knieh ya ka yoh kaam yoh jaam, ya ka khayi pateiñ, ka kamai kajih; i yaleh pyrchah ya kini ym da ka wait, da u khnam ka ryntieh næ da i mih snam, i yaleh toh da i bor i stat.

Da ong u leh wa kjut nood wow yoo wa ki kaam wa ha khlieh dooh nadooh ki kaam sorkar næ ki kaam ha ki Private Company da ksoh lut da ki baar jylla, ini da wanrah ko yei eh wa i maa wa khroo ya ka jaitbru. Kamtæ da kyntu u ya kiwa lai puræ Class XI, XII yong ka Holy Cross Hr. Sec. School Umkiang kiwa wan sakhi lang ya kani ka saam khusnam wei kamjooh ya kiwa yoh khusnam wow man ki kiwa minot wow beh ya i nang i stat wow yoh ka laad wow yakhun ha ki Exam waphær waphær, khnang wow yoh ki u ksoh ya ki kyrdan wa hajrong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Ruben Najiar uwa man kam u In-charge ka KSU JHDU uwa man leh u dkhot ka CEC KSU seiñbei, hawa e yei klam kam u symbood kongsan da pynchlur ya kiwa lai puræ wow minot ki lada wan ki na ki manyung wa dooh wa duk leh, wow burom ya ki bei ki pa kiwa chah yei eh neibynta wow phah skur ya ki khon.

Ha kani ka sngi da pynkurp burom ya 17 ngut kiwa lai puræ wei da e leh ya ki da ki Memento wa i e sñiawbha leh da ka poisa kam ka e yarap wa khian.

Da pynlai ya katai ka program da u KS Suchiang, President KSU Narpuh Circle.