Ka KSU San Shnong Unit, East Jaiñtia Hills ha ka 18 tarik uni u bnai da yoh ko wow pynkup burom ya ki khynnah wa da lehbha ha ka puræ puthi da ka 3rd Maitshaphrang Academic Award neibynta kiwa chong chnong wa kynthup ya ka chnong Pynthorsale, Mukhaialong, Mutong, Cham Cham wa Lumchyrmit heiwa da em 7 ngut kiwa yoh ya kani ka khusnaam.
U Richest Malngiang, Assistant Education Secretary KSU CEC kam u kongsan da kyntu u leh ya ki khon khynroo ka chnong u nang kreh chitom ki hei puræ puthi i yong ki yow nang ku ki chakhmat khnang wow ye u pynmih ya ki bru kiwa stat wa tip wa kiwa chemphang, wei nei kreh chitom yong ki daw mih leh chiboon ki sahep napoh kani ka thaaiñ San Shnong.
Ha kani ka pynkup burom da emlang leh u Streamly Suchen, President KSU EJHDU, u Shaniahskhem Dkhar, Finance Secretary KSU EJHDU, u Cherity Suja, Assistant Finance Secretary KSU EJHDU, u Shibaitlang Rymbai, Organising Secretary KSU EJHDU wa ki para wa yahkhmat na ka KSU Wapung Unit, u Waheh Chnong ka Mukhaialong, u Waheh Chnong Pynthorsale, u Waheh Chnong ka Mutong wa kiwi kiwi de.
Ha kani ka sngi da yoh leh wow pynthymme ya kiwa kitkaam ka KSU San Shnong Unit East Jaiñtia Hills neibynta u snem 2023-2026.
Discussion about this post