Ka Khasi Students’ Union (KSU), Wahiajer Unit kawa em hapoh ka Jowai Circle West Jaiñtia Hills District Unit ha ka 4 tarik da yoh ki wow saam ya ka 1st Maitshaphrang Award cha ki 4 ngut ki khynnah skur kiwa da lehbha ha ki Exam wa uwi uwa da yoh yaka Bravery Award.
Uni uwa yoh ya ka Bravery Award toh u Bakynsai Sari uwa na Wahiajer uwa da yarap ya ki bru ka Search and Rescue Team yong ka Meghalaya wow sai ya uwa ngam um iwa dang jia ini wa dep ha wah Myntang.
Kiwa da lehbha haka puræ puthit toh ka Sookini Shylla kawa da yoh 75.2% haka HSSLC (Science), u Ferdinand Laloo uwa da yoh 73.33% haka SSLC, ka Baladianghun Dhar kawa yoh 76.50% ha ka SSLC waka Cinovia Suting kawa yoh 66.16% haka SSLC.
Da sdang yaka yalang da ki klam waiphang na u Education Secretary, Jowai Circle, u C. Sana.
Da yoh leh yei klam na u Emki Shylla, President Wahiajer Unit, u Leningrad Tariang, General Secretary West Jaintia Hills District Unit wa na u Phrangki Kyndait uwa man u Organising Secretary yong ka seiñ FKGJP.
Hei khaddooh da yoh yei klam na u Shellkitbok Kharbani uwa man u Assistant Education Secretary ka KSU Central Body uwa da e yei kyrkhu ya kini ki khon khynroo wow nang toor ki chakhmat yow yoh ya u soh i jop.
Discussion about this post