Ka KSU Wapung Unit da kynmoo warom ko ya u Soso Tham deiwa pynkup burom ya ki 5 ngut ki ASHA kiwa na ka chnong Wapung Skur wa Wapung Chnong da ka U Soso Tham Award wei da e yarap leh ya uwi u bru wa tip pyrtuid kam u Turbha Ryngklem uwa dang mih na Hospital deiwa e ya oo da ka song poisa.
Ya ini da leh kam chibynta wow e mynsien wei e khublei yei kreh ki ASHA neibynta ki kaam wa da leh ki wow chakri ya ki paidbah yong ka chnong ka thaw heipor wa em ka khlam COVID-19 kiwa da man sakhiat kam kitæ ki chipai wa em yei mynsien wow leh yei kaam wa da pynkit ha ki.
Ka KSU Wapung Unit da yaroh ko hadooh kattæ kattæ wa ki ASHA da ye ki wow noh cha ka imlang sahlang khlem da pyrkhat de ya idæ la dei miet dei synyaw, dei kjam dei chit, u slap ka la-ær.
Ya ka yalang wa tbian da pynlai da u President ka seiñ u Deiniwan Lyngdoh wei da yoh i klam na u General Secretary, u Shwari Ryngkhlem deiwa emlang u Cherity Suja kam u kongsan wa u Dawyo Lyngdoh kam u symbood kongsan.
