Pynkup burom ka MBSG ya ki dkhot na Jaiñtia Hills kamjooh leh na kylleiñ ka jylla

Shillong : Ka Meghalaya Bharat Scouts & Guides ynne ka sngi da pynman ki ya ka Bharat Scouts and Guides Flag Day kamjooh leh i saam khusnaam wa tip kam ka Rajya Puraskar kawa pynman ha Raj Bhavan, Shillong.

U lat ka jylla u V. Shanmuganathan uwa man leh kam u patron ka Meghalaya Bharat Scouts & Guides da saam u ya ki Rajya Puraskar Certificate Award cha ki 38 ngut ki Guides, 40 ngut ki Scouts wa 8 ngut ki Rovers hei emlang u State Chief Commissioner, u F. R. Kharkongor, Secretary to the Governor of Meghalaya, u H. M. Shangpliang wa kiwi kiwi de.

Ha kani ka sngi leh da leh burom ya ka kong Paleisimai Tariang kawa yoh ya ka khusnaam Asia Pacific Adult Achievement Award wa ya ka H. L. Mizo Scout Unit ka wa jop ya ka yakop Prime Minister Shield.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Napoh ri-loom Jaiñtia da yoh 15 ngut ki Scout wa 5 ngut ki Guides ya kani ka Rajya Puraskar Certificate Award.

Kini da kynthup ya u wi u Scout na ka skur North Liberty HS School, 5 ngut ki Scout na Government Boys’ HS School, 4 ngut na Marian Hill HS School, na Nephington Laloo Memorial Secondary School 2 ngut ki Scout wa ka wi ka Guide, 2 ngut ki Scout na Krist Syiem School Namdong, ka wi ka Guide na Church of God School, Ummulong, ka wi ka Guide na St. Mary Mazzarello, ka wi ka Guide na ka Modern Secondary School Ialong kamjooh leh ka wi na Tome Memorial Secondary School.