Pynkup burom ka Mookyrdup ya ki le ngut ki waheh yong ka chnong

Jowai: Ka Dorbar Chnong Mookyrdup kam chibynta wow pynyoo yei sñiawngooh hajrong i chimkhia yong ki le ngut ki waheh ka chnong hei yatoh wa i yoh ya ka Sanad Chnong wa pura, kiwa kynthup ya u Waheh Chnong u Pyrkhat Shylla, u Secretary Chnong u Albert Star Khonglah wa u Adviser u Noriphi Ksoo.

Ha kani ka 17 tarik da pynman ya ka yalang wow pynkup burom ya kini ki le ngut.

Ya ka yalang da pynman ha Community Hall ka chnong, heiwa ya ka yalang da pynlai da u S. Sympli wei da yoh leh yei klam na u M M Thaiang kam uwi na ki waheh hapoh ka chnong.

I pynkup ya u Waheh Chnong u Pyrkhat Shylla da leh da ka A. Suchiang deiwa pynkup that ryndia wei da e leh ya ki tiar sah kynmoo cha oo.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya u Secretary Chnong u Albert Star Khonglah da pynkup ryndia wei da e leh ya ki tiar sah kynmoo da ka P. Talang, katwa ya u Anoriphi Ksoo uwa man kam u Adviser ka chnong da pynkup ryndia wei da e leh ya ki tiar sahkynmoo da ka B.Lamare.

Hadien ini da yoh ya ki kyntien sñiawngooh na waroh kini ki le ngut ki waheh wa i ktien e khublei da pynbood da u Larsingh Shullet, Secretary ka Special Committee.