Pynkup burom ka North Liberty School ya ki khynnah wa leh bha ha ka HSSLC wa ka SSLC wa ha ka Sports

Jowai : Ka North Liberty Higher Secondary School, Jowai ynne ka sngi da leh burom ko ya ki khynnah skur yong ka kiwa da wan cha khmat ha ka result SSLC wa HSSLC kamjooh ya kiwa em i sap ha ki Debate, Extempore wa ki yalehke sports.

U Principal ka skur u R. Uriah ong u wa waroh ym ye i u man Doctor ki Engineer kamtæ da rai leh u pynkup burom leh ya ki khynnah kiwa em i sap wa boonjait ha ki wei da e nongmuna ya ki kattu katni ngut ki khynnah skur wa da poi cha khmat ha ka SSLC da chlur ki u jied u lai da ka Arts deiwa sñiawthooh ki ya i bor wei kamjooh ya ka thong yong ki.

Da pynbna u leh wa ya ki khynnah wa ka-it ya ki sports wa boon jait nadooh uni u snem lada ha ki yakop yoh ki ya ka takma ksiar u pynduna bai skur yong ki da 30 %, ya ki wa yoh takma rupa u pynduna bai skur 20% katwa ya ki wa yoh takma tama u pynduna 10 %.

Kamjooh kani ka skur u sdang ko leh sa ka programme wa thymme hapoh ka skur yow yarap ya ki khynnah wa em sap ha ki sport tangwa ym ye ki u leh bha ha i puræ puthi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ya ka Manhaka Rabon ka wa yoh Best Athlete U-16 Girls kawa da chah jied leh u mih khmat ya ka West Jaiñtia Hills ka skur da e ko ya ka 100% Scholarship iwa mut i lai puræ u man i iwa mynkna.

Ha kani ka sngi leh da wan ki khynnah warim (Alumni) yong ka school u Harley Suchiang uwa yoh 4^thposition ha ka Science Stream ha uni u snem wa u Jeremy Rymbai uwa yoh 10^th position ha ka Science Stream pyn ar na St. Anthony’s School Shillong.

Ha kani ka sngi ya u Avantgard Nongpluh uwa yoh 4^thPosition ha ka result ka SSLC da pynkup burom ya oo da ka skur deiwa e ya oo ya ka wi ka Laptop. Da pynkup burom leh ya oo leh da ka Meghalaya Pensioners Association (Jaiñtia Branch) heiwa da e ko ya oo T. 5000.

Ka Bymonmiralda Lato ka wa em ha ka Top 20 ka HSSLC Arts leh da pynkup burom ya ka wei da e leh ya ka ya ka kawi ka laptop. Da yoh ko leh ya ka Scholarship na ka Lovely University. Katni dang lai puræ ko ha St. Edmunds Shillong.

Da saam khusnaam leh cha 71 ngut ki khynnah SSLC kiwa yoh ya ki Distinction wa ki Highest marks kamjooh leh ya ki 37 ngut ki khynnah wa pass HSSLC.

Ya ki khusnaam da saam da u kongsan u F.M. Dopth, Director of Sports & Youth Affairs, Shillong, u symbood kongsa u Robert Rees, Director PBT, u Risingstar Kharrngi, Vice Principal ka School wa kiwi kiwi.