Ka Ramakrishna Mission Vivekananda Cultural Centre ynnin ka sngi da pynkup burom ko ya ka bhah namo ka 95th Batch kiwa pyndep ya ka e sikai Computer Science wa ka 35th Batch kiwa pyndep ya ka Language Studies ha ka yalang wa pynman ha Shillong.
Waroh da saam 1400 tylli ki Certificate cha kani ka 95th Batch ka Computer Science heiwa ka e sikai da pynman ha u Naisan-Naiynru 2022 heiwa da em 1700 ngut ki khynroo khyllood kiwa da chah sikai na kylleiñ ki thaaiñ ka Northeast.
Kiwa da yoh nyngkong ha ka Computer-Beginner toh u Ishuah Kharsohtun, Intermediate- U Karleven Odiniel Laloo; haka Tally-I u Sunny Deb, Tally-II Banisha Kharbi; DTP- Nika Delecta Lyngdoh Nongbsap; We & PC Maintenance- Willingly Lamin; Database- Sophia Katrai; Cloud Computing & Python- Assunta Jala.
Kani ka pynkup burom namo ka Convocation ya kiwa da pyndep yei chah sikai da pynman ha ki ar bhah, kawi hei step katwa kawi won hei janmiet heiwa u Regional Director, Atomic Minerals Directorate for Exploration & Research, NER Shillong, u Dr. Prakhar Kumar da man u kam u kongsan hei step, uwa da yaroh ya kani chlem e sikai wow pynkhreh ya ki khynroo khyllood hei stat IT wei da ban joor u leh yei emkaam u kreh chitom wa i raikut neibynta wow pynku ya ka ri.
U kongsan ha ka bynta wa ar toh u Principal & Secretary Institute of Hotel Management Shillong, u Vijay Kumar uwa da khut ya ki khynroo wow pynjanai yei sap yong ki yow myntoi ki bru ka ri.
Neiliang u Secretary ka Ramakrishna Mission, Shillong, u Swami Hitakamanandaji Maharaj da e khublei u ya waroh ki khynnah wei da ong u ya ki wow kynmoo wow yaleh hadooh wa jop hei im yong ki. U Deputy Centre-In-Charge, Brahmachari Vairagyachaitanya leh da yaroh u ya ki khynnah yei kreh chitom ki kamjooh leh ya kiwa sikai. U Swami Divyaswarupananda Maharaj, Centre-In-Charge da e u ya ki kyntien e khublei.
Ka Ramakrishna Mission, Shillong da e sikai ko ya kamwa 6000 ngut ki khynroo khyllood ha ka Computer kawa da pynman san sien chi snem.
