Ka seiñ All Jaiñtia Muster Roll Workers & Labour Union, Central Executive Committee (CEC), Jowai haka 6th Annual General Meeting wada pynman ynne ka sngi ha madan Jrisaleiñ, Chutwakhu, Jowai da pynman ko yei pynkup burom waphær waphær wa kynthup nadooh i pynkup burom ya ki waheh ka seiñ kiwa da yahkhmat hei lai luti ka seiñ la 3 snem kattu, kamjooh leh ya kiwi tawon ki bru waheh wa siañ kiwa da embynta u kyrchaan yaka seiñ.
Da wan chimbynta lang ha kani ka yalang da ki Muster Roll naki chnat krehkaam waphær waphær ka East waka West Jaiñtia Hills District wa kynthup leh ya kiwa kreh Mid Day Meal Cooks, kiwa kreh mistri, kiwa mylla sngi wa kiwi kiwi de.
Najrong i pynkup burom da pynsñiaw leh yei lai luti ka seiñ ha ki 3 snem hapoh i yahkhmat u Khroo L Pariat kam u President, wei kamwa ka seiñ yeiñ ko haka yurim u dawa yei hok ki wakreh Muster Roll, kiwa kreh mylla sngi wa toh u yoh ki. Da pynsñiaw haroh yei sñiawngooh ya waroh kiwa da embynta hei jop yong ki yaki kattu katni ki dawa lyngba i pynman yei yakhih waphær waphær.
Neitæ ha kani ka sngi da em leh i yachem yumut heiyatoh wa i eh i khoo wa maad ki, wei kamjooh leh i pyrkhat wow lai luti yei dawa wa dang sahteiñ.
Da pynchongchit chooh chooh ya kani ka yachemlang da ki rwai ki chaad wada chimbynta da ki Unit waphær waphær.
