Ka Seiñkur Bahkhla Central Body ka kur wa kynthup ya ka kur Rymbai, Ryngkhlem, Kyndait, Sana, Lyngdoh (Rymbai), Ksoo, Toi, Najiar, Lato, Thma, Chynret, Kyndiah, Rymbui, Bang (Rymbai), Pdein (Sana) wa Khaii. Ynnin ka 26 tarik da pynkup burom ko ya ki khon yong ka kur kiwa da lehbha ha ki kyrdan puræ waphær waphær.
Kini ki kyrdan kynthup ki ya ka SSLC chaneiñ kamjooh leh ya u Evanmi Lyngdoh uwa pyndep ya ka MCS wa ya u Sangahiwot Rymbai uwa man kam u Deputy Superintendent of Police (HG) South West Khasi Hills, uwa yoh leh ya ka Governor Police Medal wa u Lasky Rymbai uwa man leh kam u Deputy CEM ka JHADC.
Ya kani ka dorbar wa ynñiaw ka seiñkur ha Wapung Chnong da pynlai da u President ka seiñkur, u Tyrnit Pdein (Sana) wei da yoh ya ki kyntien ngoohblai na u Kduplang Ryngkhlem wei da kynmoo warom leh ya ki ar ngut ki waheh ka kur kiwa da khlaad kam ya u (T) Ma Obil Kyndait wa u (T) Ma Wily Rymbui deiwa suki kamwa chi minit.
Chwa wow ekti ya ki khusnaam (Award) da yoh leh ya ka bui (Report) krehkaam na u General Secretary ka seiñkur, u Joinly Ksoo, i klam na ki waheh ka kur, kiwa klam jar jiar ka phang wa da bynta ha ki, nadooh u Leningstar Rymbai uwa klam hajrong ka parom (History) wa tbian yong ka seiñkur, u Lasky Rymbai da klam u hajrong i akor burom, u Richardsingh Lyngdoh (Rymbai) da klam u chaphang ka Tip Kur Tip Jait, u Evanmi Lyngdoh da klam u chaphang i khih i kreh, ka Milian Ryngkhlem da klam ko chaphang i khooid i jngiar, u Damewanhi Rymbai da klam u chaphang ka niam ka rukom.
Ha kani ka sngi da pynthymme leh ya kiwa kitkaam ka seiñkur neibynta u snem 2022-24, wei kini man ki kamni hawah:
- President- Tyrnit Pdein (Sana)
- Vice President- Dametreyo Rymbai
- General Secretary- Joinly Ksoo
- Asst. Secretary- Yienglang Ryngkhlem
- Organising Secretary- Chanbor Rymbai
- Treasurer- Karbar Rymbai
- Financial Secretary- Happy Rymbai
Da jied leh ya u Damewanhi Rymbai, Lasky Rymbai, Violet Lyngdoh, Richardsingh Lyngdoh, Everlasting Rymbai wa u Seibor Sana kam ki wa ebuit ka seiñkur.
