Pynkup burom ka Seng Samla Katholik Parish Jowai ya ki khon ka Balang

Jowai: Ka Seng Samla Katholik Parish Jowai da pynkup burom ko ya ki khynroo khyllood ka Parish Jowai ha ka sngi pynkut ya ka 21^st Annual Youth Convention wa pynman ha Bosco Pnar ha Salini Colony ha ka 3 tarik uni u bnai.

Kini ki khynroo khyllood toh kiwa da kreh chitom neibynta ka balang wei da wan sakhi ya ini da u Moonlight Pariat, MDC kam u kongsan wa u Michael Saioo kam u symbood kongsan wa kiwa boon kiwa chah khut sñiawbha.

Ya kani ka Convention wa chisien chisnem da pynman ha St. Anthon’s Catholic Church Salini Colony heiwa da wan wai ya ka da u Andrew Shullai, CEM JHADC hei emlang u J. Rymbai wa kiwi kiwi de.