Syndai : Ka Syndai Kmaichnong Senglang Club (SKSC), Syndai ynnin ka 28 tarik sa chisien biang da pteiñ biang ko ya i saam khusnam cha waroh ki khon ka chnong kiwa haap hapoh yong ka Syndai pyllun.
Ha uni u snem ya ki khusnaam da saam cha ka Satisfy Paslein, ka Meaidahun Pamthied wa ka Dashisha Gayang da e lang leh ya ka Certificate wa ka song poisa .
Ha kani ka yalang da emlang ki Waheh Chnong ki le tylli ki chnong wa haap hapoh ka chnong Syndai, ki secretary chnong, secretary club deilang wa ki paidbah.
Ha chwa wow saam ya kini ki khusnaam neiliang yong u Secretary ka SKSC u Henry Manar da ong u wa ini leh burom ya ki khynnah man i kam chibynta wow pynchlur ya ki khon yong ka chnong hei puræ puthi yow man ko kam ka nongmuna ya kiwi yow wanrah burom ya ka chnong.
U Sports Secretary ka chnong u Martin Pohplet da ong u wa u ya kiwa yoh khusnaam wa ym hoi u man ki kiwa sniaw sarong tangwa toh u pyrkhat ki hadooh katwon u ye ki u poi chooh chooh cha ki kyrdan wa dang heh yow yoh ki u kheit yah u soh i jop.
Discussion about this post