Ynne ka sngi ka sorkar jylla da pynman ko ya ka sngi lehburom ya kiwa sikai kawa tip kam ka 60th State Level Teachers’ Day ha Auditorium Hall, Meghalaya Bharat Scouts and Guides State Headquarters, Shillong heiwa u montri ka chnat puræ puthi ka jylla, u Lahkmen Rymbui da man u kam u kongsan.
Hawa e yei klam, u Lahkmen da yaroh u ya kiwa sikai kiwa da kreh khlem sangeh hapyrdi wa em ka khlam COVID-19 heiwa da yaleh ki wow hikai ya ki khynnah, da pynrap u leh wa ymtoh iwa suk wow esikai na kamra Class cha ka Online Class.
Da ong u wa em chiboon i eh i khoo wa chem kiwa sikai khamtam heiyatoh wa ka tulop wa i wym biangpor wow pynlait ya ka wei ka sorkar da yaleh ko pynbait ya ini.
Chooh chooh da ban u yei emkaam kiwa sikai wow wanrah ya ki rukom esikai wa thymme neibynta i bha i miat ki khynnah neibhah nadooh wa wan ka khlam, ki khynnah da chah ktah bha ki heiwa i stat wa yoh ki ha ki kamra Class wa ki Online Class phær bha ki.
Ha kani ka sngi da pynkup burom leh ya ki 13 ngut da ka State Award ya kiwa kynthup ya ka
- Swer, Vice Principal, Laban Assamese Girls’ Higher Secondary School, Shillong.
- U L. S. Syiemlieh, Head Teacher, Raid Ryngi Government L.P. School, Iewrynghep.
- Ka M. Kharsyntiew, Head Teacher, Khliehmawlieh, Government L.P School, Nongstoin.
- U J. Kharsyiemlieh, Head Teacher, Nongmyllam Government L.P School, Mawkyrwat.
- Ka B. Lyngdoh, Vice Principal, Jowai Public School.
- Ka M.B Dkhar, Assistant Teacher, Tluh Secondary School, Khliehriat.
- U M. Singh, Assistant Teacher, Alpha English Higher Secondary School, Nongpoh.
- U A.S. Marak, Assistant Teacher, Bolkinggre Deficit U.P. School, Williamnagar.
- U F.K. Sangma, Principal, Bajengdoba Higher Secondary School, Resubelpara.
- Ka L. Ch. Marak, Assistant Teacher, Dadenggre Puri Government Higher Secondary School, Tura.
- U H.M. Sangma, Assistant Teacher, Rongkhon Government L.P School, Tura.
- U B.A. Sangma, Principal, Garobadha Higher Secondary School, Ampati
- U S.C. Marak, Headmaster, Kapasipara Deficit U.P School, Baghmara.
Da saam leh ya ki District Awards cha ka L.J. Syiem, Assistant Teacher, St. Mary’s Higher Secondary School, Shillong ha ka Secondary Section. U E. Kshiar, Headmaster, Nongryngkoh Presbyterian U.P. School, Nongryngkoh ha ka Upper Primary Section wa ka A.V. Warjri, Head Teacher, Cherra Presbyterian L.P School, Nongsawlia, Sohra ha ka Lower Primary Section.
Da e leh ya ka Special Award (Inclusive School) cha ka M.E. Khongwir, Teacher, Jyoti Sroat School, Shillong. Yei naam Best Scoutmaster da yoh u S. Chhetri, Gorkha Patshala Higher Secondary School, Shillong katwa ka Best Guide Captain da yoh ka A. Sohtun, Laitumkhrah Assamese Secondary School, Shillong.
Da e Award leh ya ki skur hapoh ka Meghalaya School Improvement Programme ha ki 3 kyrdan (Category) wa kyntup ya ka Umroi Presbyterian Higher Secondary School, Ri-Bhoi District, ka Garo Union Higher Secondary School, West Garo Hills District wa ka Mawngap District Christian Multipurpose Higher Secondary School, East Khasi Hills District.
Ka Best Performance District Resource Groups (DRGs) da yoh ka East Khasi Hills District, West Jaiñtia Hills District wa ka West Garo Hills District.
Ka Award for Best Innovative Measures for Continuous Learning da yoh ka Alpha English H.S. School, Ri-Bhoi District, ka St. Xavier’s H.S. School, West Garo Hills District wa ka Holy Cross H.S. School, Mawkynrew, East Khasi Hills District.
Ha kani ka sngi da emlang leh u R. Rapthap, Secretary Education Department, u A. Ch. Marak, Director of School Education & Literacy, Meghalaya wa kiwi kiwi.
