Ka Dorbar Chnong Tpep Pale haka 4 tarik uni u bnai da chim ko ka laad wow pynkup burom yaki khon ka chnong wa kynthup nadooh kiwa da heh rta kiwa em 75 snem chaneiñ, neitæ kiwa poi chakhmat hei puræ yong ki kyrdan waphær waphær wa kamjooh leh kiwa rah naam yaka chnong lyngba ki kaam wa bha yong ki.
Ini i pynkup burom man ko leh kam chibynta u pynyoo yei sñiawngooh ya kiwa da heh rta wa toh lyngba i chdooh i yahluti yong ki da man ka chnong kamwa man katni, neitæ won heiyatoh wa kiwa rah naam yaka chnong lyngba ki kaam wa bha kamjooh lyngba i poi chakhmat hei kyrdan puræ waphær toh yow e mynsien chooh chooh yaki yow nang lehbha ki sam chaphrang, heijooh i por kiwi leh u pait u bood ki yaka nongmuna yong ki.
Ya kani ka yalang pynkup burom da pynman ha yungwalieh ka chnong Tpep Pale chirup i emlang ki paaid wa chong chnong, kiwa yahkhmat chnong nadooh u Waheh Chnong, u Heibor Syngkon, u Dikil Pohchen, Executive Member Dorbar Chnong, ka Fullfill Rymbai dkhot ka Dorbar Chnong kiwa da e leh i klam heiyatoh waka chnong ka thaw kamjooh hajrong kani ka sngi kyrpang.
Da yooluti ki leh wow yoh biang kam kani ka sngi neipor cheipor neibhah man ko ka nongmuna wa bha ya kiwi.
Najrong wa yoh i klam na kiwa da heh rta wa chah pynkup burom ha kani ka sngi, da yoh leh i klam na kiwa yoh pdiang ya ki khusnaam.
Iwa rap pynkyrpang chooh chooh ya kani ka sngi toh i yoh ka Dorbar Chnong Tpep Pale u pynkup burom yaka Rithelma Passah kawa man kawi wa da yoh pdiang yaka Life Time Award 2019-2020 lyngba ka Indian Scout & Guide Fellowship wa u Rumanium Syngkon uwa da man kam uwi u National Referee ka India.
Discussion about this post