Pynkup burom ka Ummulong ya ki khynnah, ki tymmen, kiwa yaleh Sport wa yaka manbei wa chlur

Ynne ka 31 tarik, ka Dorbar Chnong Ummulong da pynman ko yei yachemlang yong waroh ki jait niam kiwa em hapoh ka chnong ha yung dorbar chnong, heiwa da pynman yei ya duwai lang yong ki kynhun Balang neibynta wow e ngooh ya u snem warim kamjooh leh yow paan i kyrkhu kyrdoh ya u snem thymme, heiwa da wan chimbynta da kiwa mihkhmat na ka Seiñ Raij Niamtre, Catholic, Presbyterian wa ka Church of God.

Ha ka jooh ka sngi da pynkup burom wei saam leh ya ki e sñiawbha cha kiwa chong chnong wa da kynjoh yei rta wa 70 snem chaneiñ kiwa em 98 ngut.

Da pynkup burom leh ya kiwa lehbha kiwa yoh 80% chaneiñ ha ka SSLC wa HSSLC 2022:

Ha ka SSLC 2022

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

1. S Samhun I Kharkongor (88.33%)
2. Kleka Dhar Shylla (85.33%)
3. Emanuel Myrchiang(84.16%)

 Ha ka HSSLC 2022

1. Wanlana Hazel K Lamare (92.83%) CBSE
2. Fredy Shadap (83.2%)
3. Emanuel Phalangki (80.2)
4. Somanroy Myrchiang(80%)

Kiwa mihkhmat ya ka jylla ha ka Sports

1. Welmanson Passah (Senior Men’s Cricket, Meghalaya)
2. Lasusaitre Suchiang (Cricket Under-15 Girls, Meghalaya)
3. Luckyman Kynjin (Body Builder)
4. Pynioolad Pala (Body Builder)

Heijooh i por leh da pynkup burom wei da e leh yei yarap na ka chnong ya ka Thresia War, kawa man ka bei wa chlur wa da e ya uwi u Kidney ya u khon yong ka ha kini ki bnai wa dadep. Ya kani ka manbei da chim ya ka kam ka manbei wa chlur kawa da chim ya kani ka rai neibynta wow pynyoh biang i im wa i chait i khiah ya u khon yong ka. Wei wa da man ko leh ka sien kawa nyngkong hapoh ka chnong, weiwa da man ko leh ka nongmuna ya kiwi tawan.

U Innocent Shadap da man u kam u kongsan wa u Briwon Pohshana kam u symbood kongsan deiwa ya emlang leh u Waheh Chnong ki Executive Member wa ki waheh wa sian yong ka chnong.