Pynkup burom ka USTM ya kiwa poi chakhmat haka SSLC wa HSSLC 2019

Shillong: U Chief Minister, Conrad K Sangma ynne ka sngi da pynkup burom u ya kiwa poi cha khmat haka exam SSLC wa HSSLC, 2019 haka yalang wa pynman da ka University of Science & Technology, Meghalaya ha State Convention Centre, Shillong  deiwa ya krehlang waka ERD Foundation, Guwahati wei da emlang leh u montri ka puræ puthi u Lakhmen Rymbui, u montri ka Revenue & Disaster Management u Kyrmen Shylla wa uwa e buit ka sorkar u Dr. D D Lapang.

U Chief Minister, Conrad K Sangma hei klam yong oo da e khublei u ya waroh kiwa poi cha khmat wei da yaroh u yei krehchitom yong ki hadooh wow poi ki cha kani ka kyrdan kam ki ‘Topper’. Da ong u leh wa kwah u yoo wa ki Topper toh u wan ki na kylleiñ ka jylla. Hanlada ynne ka sngi man ko ka sngi wa kmen tangwa emkaam leh u pynkynmoo ya kiwa rap sñiawsih neidaw wa em kiwa boon kiwa ym em lait ya kini ki Exam SSLC wa HSSLC.

Da kdaw u leh wa deiwa kheiñ yaka Pass Percentage da man kamwa 25,000 ngut kiwa ym em lait ya kini ki exam man ka snem iwa man iwi na ki thong wow pynkylla noh. Chooh chooh da ong u wa ini da jia i kattu la kattu katni snem wei emkaam yaka sorkar wow pait bniah ya ini. “Ki khynroo khyllood toh kiwa daw chimkti wow pynlai yaki jylla wa ya ka ri wei deiwa em ki yaka puræ puthi kawa biang, daw man ki kiwa da pynkhreh wow chimkti. Da pynchlur u leh ya kiwa poi chakhmat wow bood yeiwa thrang wa angnood ki wei wow man ki bru wa bha.

U Conrad da yaroh u leh ya ini i lehbha ka USTM kiwa da pynkup burom ya kiwa poi chakhmat.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Lakhmen Rymbui da ong u wa waroh i krehchitom, i minot ym jooh sepia i deiwa kyrchaan leh ki bei ki pa wa kiwa sikai yarap ko u poi cha ka thong. Da pynchlur u leh yaki Topper wow pteiñ ki yei krehchitom wei wow mang yow poi cha ki kyrdan wow wanrah burom yaka jylla.

Ha kani ka sngi da saam leh ya ki Laptop, Digital Tablet, Mementos wa kiwi cha ki Topper.

Ha chwa ini, u Mahbubul Hoque, Chancellor, USTM, da ong u wa ka University yalehko wow pynku yaka Science and Technology ha kani ka thaaiñ wei daw e i puræ wa mynkna ya ki Topper ka MBOSE manda poi ki cha ki kyrdan puræ wa heh.

Ha kani ka sngi da emlang leh ki School Principal, ki bei ki pa wei da pynkup burom 74 ngut naka SSLC wa HSSLC, 2019.