Pynkup burom ka WWOSRJ ya kiwa poi cha khmat ha ki exam waphær waphær

Jowai : Ka Women’s Welfare Organisation Seiñraij Jowai (WWOSRJ) ynne ka sngi da pynkup burom ko ya 23 ngut ki khynroo khyllood ki khon ka Niamtre ki wa da yoh PhD, Gold Medal kamjooh ki wa lehbha ha ki exam HSSLC wa SSLC kam chibynta ka yachemlang ki khon kynthai ka Seiñraij Jowai.

Ka kong Bijoya Sawian ka dkhot ka Sengkhasi, Shillong ka wa man kam ka kongsan ha kani ka sngi ong ko wa kam ka wa pyllai ya ka yong ka hi ka skur ha Dehradun, ong ko wa i puræ puthi wow poi cha khmat man i iwa sep ai lada ym tip ya ka akor ka burom ya ki bru wa u blai neibhah lada ym tip u jied yei wa bha wa sih, man lut waroh i puræ puthi wa sep ai. Heijooh i por leh e khublei ko ya waroh kiwa yoh khusnaam ha kani ka sngi.

Neiliang u President ka Seiñraij Jowai u ma O.R. Challam da ong u wa emkaam bha u jied ya ki laiñ puræ deiwa sñiawthooh ya jar jiar i sap yow lait u ieh ha chitein i puræ.

U symbood kongsan u ma P. Pale da yaroh u ya ka seiñ wa da pynman ya kani ka e khusnaam wei da ong u leh i kaam ki manbei toh kiwa ymkut de nadooh man ki kiwa khai thiah nynkong dooh hei step hadooh wow thiah khaddooh hei miet.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka sngi da pynkup burom ya 6 ngut ki wa da yoh Ph.D. u Dr. Damiki Laloo, Dr. Preticia Dkhar, Dr. Duwaki Rngad, Dr. Wansah Pyrbot, Dr. Rikin Chyrmang, Dr. Ulbari Shylla.

Da leh burom leh ya ki ar ngut ki wa yoh Gold Medalist, ka Rika Hinge ha ka subject History wa ka Phuh Hakani Shylla ha la subject Linguistic.

Ha ka kyrdan HSSLC won da pynkup burom ya ki “Topper” u Harley Suchiang wa u Jeremy Rymbai yong u snem 2016.

Ha ka kyrdan SSLC won da pynkup burom ya 13 ngut wa kynthup ya u Pynchem Nikhla u wa man kam u “Topper.”