Pynkup burom ki pulit ya kiwa pynlait im ya ki 16 ngut na ka Bus wa noh chapoh ka wah

Ki pulit ka East Garo Hills District da pynkup burom ki ya 4 ngut ki khynroo wa yarap wow pynlait im ya kiwa chong hapoh ka Bus kawa noh cha ka wah Ringdi hei pyrdi synyaw ka 29 Naikhynde2021.

Kini ki 4 ngut da yarap ki wow sai ya 16 ngut ki bru na ini i thaw heipor wa ka wah leh da heh ko neidaw wa joor u slap.

Kini ki 4 ngut toh kiwa na Nongchram kiwa pyrtuid:

1. Sengrik D Sangma
2. Nilbath D Sangma
3. Walgrik M Momin
4. Jinjas D Marak

Kam wow pynkynmoo wa ha ini i jia da dooh leh yei mynsien ki 8 ngut wa kynthup ya uwa yah Bus. Wei da ki kaam wa chlur yong kini ki 4 ngut da ye wow pynlait im ya kini 16 ngut.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kini ki khynroo da man leh kam kiwa sakhi yei yah pynhær ya ka Bus ka MTC wei da lai booddien ki wut wut mar ya sñiaw ki wa sawa i haap kani ka Bus cha ka wah wei da sdang ki wow sai ya ki bru kiwa kbai wa kiad yow paan yarap.