Pynkup burom ki pulit ya u Juban Thangkiew, uwa chem ya ka poisa T. 10,000

Jowai : Ki pulit ka West Jaiñtia Hills ynne ka sngi da pynkup burom ki ya u Juban Thangkiew da ka Certificate of Appreciation ha kamra kreh u OC ka Jowai Police Station u T. J. Synrem.

Kam wow pynkynmoo heini u Juban Thangkhiew toh uwa kreh ha Bansara Eye Care, Jowai wei da lai e u ya ka poisa wa T. 10,000 cha u OC ka Jowai Police Station hadien wa mih ko khlem em u tre na ka ATM ka ICICI ha ka janmiet yong ka 9 tarik uni u bnai.

Ha ka sngi wa bood won uwi u bru wa tip kam u Samir Sinha uwa chong wa sah ha New Hill, Jowai dalai u cha ka thanat wow kam ya kani ka poisa wei hadien wada sylli bniah da ekti ya kani ka poisa cha u Sinha.

Kamtæ kam wow e mynsien ya u Juban wei wow e nongmuna ya kiwi tawan ki bru yeiwa da leh u da pynkup burom ya oo ynne ka sngi hei emlang u Sinha wa kiwi kiwi.