Shillong: Kam chibynta wow burom yeiwa da leh ki Poll Volunteers ha ka Election Lok Sabha 2019, ka yung krehkaam u Chief Electoral Officer (CEO), Meghalaya ynne da pynkupburom ko ya ka Meghalaya Bharat Scouts and Guides (MBSG), NSS wa ka NYK ha Mini Conference Hall, Pine Mount Ridge.
Ha kani ka yalang da emlang leh u Chief Electoral Officer, Meghalaya, u F R Kharkongor kaam u kongsan hei emlang u Additional CEO, u R P Marak, ka Joint Secretary Social Welfare, ka C Kharkongor, wa kiwi kiwi.
U CEO da ong u wa i em kini ki Poll Volunteers da yarap ko chiboon wow pynlai bait ya ka Election iwa da yarap leh ya ki khynnah khynroo khyllood kiwa da emkti ha kani ka kaam khamtam wow yarap ya kiwa em i duna ha i doh i pran, kiwa pun-khon wa kiwa da heh rta.
Da ong u leh wa kani kaa kaam u man ko kawa pteiñ lyngba ki Electoral Literacy Club kiwa em ha ki skur, ki college wei ka chnat daw yaleh ko wow seiñ ya ki ELC ha kiwi kiwi ki thaw.
Kiwi kiwa da klam ha kani ka sngi toh ka C Kharkongor, u R P Marak wa ka Secretary MBSG, ka A. Swer.
Discussion about this post