Shillong: U Montri Rangbah ka jylla, u Conrad K. Sangma ynne da man u kam u kongsan ha ka yalang pynkup burom ya ki khynnah ka ICSE wa ISC yong ka Pine Mount School, Shillong.
Hawa e i klam ha kani ka sngi u Conrad da ong u wa ki khynnah emkaam wow em ki i mynsien yaleh wei wow chynna jngai ki khnang wow yoh ki ya ka mynried kawa tyrchaaiñ.
Da ong u wa ka sorkar jylla chem ko chiboon i eh i khoo heiyatoh wa i puræ puthi wei yaleh ko katwa ye wow pynmiat wei wow kyntu kynrong ya ka puræ puthi hapoh ka jylla.
“Ka sorkar yaleh ko wow wanrah ya ka Education Policy wei chisien wa da em kani ka Policy haap thooh i ka laad wow rah ya i puræ puthi cha kawi ka kyrdan,” da ong u Conrad.
Da pynkynmoo u wa ha kani ka World Environment Day Celebration ka wow man ha ka 5 Naiynru da kyntu u ya ki khynnah wow man ki kiwa chimkhia wow yada ya ka bei rymaw wei wow man kiwa lehkhooid.
U D.P. Wahlang, Principal Secretary in-charge of Education, leh da em u ha kani ka yalang, chirup wa ki manbei manpa, wa kiwi kiwi.
Ya ki kyntien pdiang burom ha kani ka sngi da yoh na ka Principal kani ka skur ka A.K. Diengdoh.
Discussion about this post