Pynkup burom u Dr. Mukul ya ki 21 ngut ki pulit wa kreh chitom

Shillong: U Montri Rangbah ka jylla u Dr. Mukul M Sangma ynne ka sngi da emlang u ha ka Investiture Ceremony wa pynman ha Police Headquarters, Shillong. Da pyllait paidbah u leh ya ka kot Forensic Science Laboratory (FSL) wa thoh da u J Rymmai, IPS, I/C Director, FSL, Shillong.

Kani ka Investiture Ceremony toh ka sngi pynkup burom ya ki pulit wa da leh ya ki kaam wa bha.

U Dr. Mukul da yaroh u ya kiwa chah pynkupburom wei da sñiawngooh u yei kreh chitom yong ki kamjooh ya kiwa ha yung ha sem yong ki wa kyrchaan ya ki man ka sngi.

Da ong u leh yow pyntieñ ya kiwa tyngkheiñ ya ka aiñ emkaam wow biang ka takit yow ye u pynchitom ya ki katkam ka aiñ lada ymye u leh yeini kiwa leh pyrchah aiñ daw chlur ki. Da ong u leh wa ka FSL toh u em ko ki tiar ki tar kiwa bha yow ye u chemdien heipor wa pynman ki ya ka takit.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Emkaam u phah ya ka khubor cha kiwa tyngkheiñ aiñ wa ki pulit ye ki u pynsakhiat ya kiwa emkti ha ki kaam pyrchah aiñ. Ki paidbah leh emkaam ki wow sniawthoh ki ya ki aiñ wa boon yow man ka imlang sahlang wa burom ya ka aiñ,” ong u Dr. Mukul.

Ha kani ka sngi da pynkup burom u Chief Minister deiwa saam ya ki takma cha ki 21 ngut ki pulit yei kreh chitom yong ki.