Ampati: Da ki spah ngut kiwa da yoh sikai yow seiñ khih ki yow ye ki wow yieñ ha i yong ki ki kjat (Entrepreneur) da pynkup burom ya ki ynne ka sngi ha ka Facilitation Programme wa pynman ha Ampati Multi Facility Centre. Kini ki Entrepreneur toh kiwa da chah hikai wow chna ya ki dawai biah khmat wa tip kam ki “Herbal Cosmetics Products” kawa sdang da u Montri Rangbah ka jylla u Dr. Mukul Sangma kawa da pynkrehkaam da ka tnat Commerce and Industries hapoh ka Basin Development & Livelihood Promotion Programme.
Kani ka esikai toh wow kyntu ya ki sap ki khynroo khyllood deiwa hikai ya ki i stat wow pynmih ya ki mar yong ki katkam ka juk wa katni.
U Montri Rangbah ka jylla u Dr. Mukul Sangma uwa emlang ha kani ka yalang kawa da emlang 480 ngut ki Entrepreneur da ong u wa daw phah hikai biang ki sa chisien heiwa chiteiñ na ki toh daw chah hikai ki wow chna sabon katwa chiteiñ won yow pynbniah chooh chooh yow pynmih ya ki dawai biah khmat.
Yow man ki mar wa ye u yakop wa kiwi ki mar wa pynmih hapoh pyrthai, u Dr. Mukul da ong u wa ka sorkar da yarehlang ko wa ki seiñ wow yarap pynku dor ya ki mar wa pynmih deiwa sñiawthooh ya ki kyrdan wa kreh kiwi ki Company ha ka pyrthai.
Da ong u leh lyngba i kreh chitom wei biang ka Advertisement lyngba ki Digital Media kini ki mar daw man ki wa daw lai yaaw bha.
Discussion about this post