U Lat ka Meghalaya kamjooh yong ka Arunachal Pradesh, u Brig. (Dr.) B D Mishra (Retd) ynne da thung ya oo kam u Chief Patron ka Meghalaya Bharat Scouts and Guides ha ka yalang wa da pynman ha Headquarter ka Meghalaya Bharat Scouts and Guides wa em ha Pine Mount Ridge, Shillong.
U Lat hawa e yei klam da yaroh u yei yarap ka Bharat Scouts & Guides ha waroh kawi ka ri India nadooh wa sdang ya ka 72 snem nachwa. Da e khublei u leh yei lehkmen dap 73 snem namo ka Foundation Day ka Bharat Scouts and Guides kamjooh i lehkmen 50 snem wa da em ka Meghalaya Bharat Scouts & Guides, da e khublei u leh ya ki 50 ngut ki wa Scouts wa Guides kiwa da yoh ya ka khusnaam Governor’s Award deiwa kyntu ya ki wow pteiñ yei kaam wa bha yong ki neibynta ka mynstep ka mankawi.
Da klam u leh yei emkaam wow em i mynsien wow yarap bru wei wow im katkam ki thong wa da seiñ ya ka Bharat Scouts & Guides Movement wei wow kreh neibynta i bha i miat ka imlang sahlang waka ri waroh kawi. Da ong u leh ki rukom pynmyllien wa bha iwa nadooh dang khian daw neh ki waroh chi rta khamtam wow booh chwa yei yong kiwi hakhmat yong samen.
U Lat da saam u leh ya ka ‘Rajya Puraskars’ namo ka Governor’s Award cha ki 50 ngut ki Scouts & Guides wa 2 ngut ki Rangers kiwa da pyndep ya ka chah sikai wei kani ka Rajya Puraskar toh kawa hakhlieh dooh ka khusnaam namo ka Award wa ye ki Scout wa ki Guide u yoh hapoh ki jylla.
Ha kani ka sngi, u Lat da pynlait u leh ya ka lama Foundation Flag wei ka poisa wa mih neidaw dai ya kani daw phah cha ka National Headquarters ka Bharat Scouts and Guides yow e yarap cha ki bru wa emkaam.
