Shillong: U lat ka jylla u Ganga Prasad ynnin ka sngi da pynkup burom u ya ki 17 ngut wa yalehke Jeet Kune Do wa Kickboxing napoh ka jylla kiwa da yoh takma hapoh ki yakop hapoh ka ri kamjooh cha baar ri deilang ya u Coach wa u Team Manager.
Ya kani ka pynkup burom da pynman hapoh ka Raj Bhawan, Shillong heiwa da emlang leh ka Matsiewdor War, Director of Sports and Youth Affairs, u President ka State Olympic Association u John F Kharshiing wa kiwi kiwi kiwa chah khut sniawbha kam ki bei ki pa ki khynnah wa chah pynkup burom.
Na ki 17 ngut da emlang u Ferdinand Suchiang uwa na Jowai uwa chah pynkup burom wei da dep yoh u 3 tylli ki takma ksiar ha ki yakhun wa pynman cha baar ri.
Neiliang u Ferdinand da e khublei u ya ki para wa yalehke kiwa da chah pynkup burom wei da e khublei kyrpang u ya u Donny Ranee uwa man kam u President & Coach yong ka seiñ kiwa yalehke Jeet Kune Do wa u Allfondbirth Kharsyntiew uwa man kam u Team Manager.
Discussion about this post