Ka Commissioner and Secretary, Revenue and Disaster Management Department, ka R. Lyngdoh ynnin ka sngi da pynkupburom ko ya ki kitu kiwa em hakhmat dooh wow yaleh thma yaka khlam kiwa tip kam ki COVID Warriors ka East Khasi Hills District haka yalang wa da pynman leh kam chibynta wow e laad ya ki wow pynsñiaw ki yeiwa chem ki kawa pynman daka District Disaster Management Authority (DDMA), East Khasi Hills District, ha Shillong Club.
Yaka yalang da wan wow ya embynta lang waka Isawanda Laloo, Deputy Commissioner wa Chairperson District Disaster Management Authority (DDMA), East Khasi Hills District, u S. Nongtnger, Superintendent of Police, East Khasi Hills District, ka D. Phawa, ADC wa CEO, DDMA, East Khasi Hills District deilang wa ki sahep yong kiwa boon ki Covid Cell ka District.
Hawa e yei klam, ka Lyngdoh da e khublei ko ya ki District Disaster Management Authority yong ki waroh ki 11 tylli ki District ya iwa da yaleh pyrchah ki yaka khlam COVD-19.
Da yaroh ko leh yei kaam kiwa em hakhmat dooh namo ki Frontline Workers kiwa da kreh khlem sangeh deiwa ieh mylliñ ya iwa emkaam yong ki samen, kiwa ha yung ki, yow ye u kdoh u khoom yei poor ka khlam heijooh i por wa yarap ki ya kiwa tlot wei yeini daw sahkynmoo da kiwa boon ki pateiñ wow wan.
Ka Lyngdoh da pynkynmoo ko wa kam ki wakreh sorkar, toh i kamram yong ki wow pyntngen, u yarap wei wow e yei chakri neibynta i bha i miat ki paidbah ka jylla. Da pynsñiaw ko leh yei sñiaw skem wa waroh iwa da chem da tip ha u snem wa da dep, ki bor District ka jylla da chemphang ki wow yaleh pyrchah yaka la-ær wa ar ka khlam.
Yow yada naka khlam, ka Lyngdoh da kyntu ko leh ya kiwa chong chnong wow bood yaki kyndon wa pynmih ka sorkar deiwa deiñ ya ki Mask, wow sait ya ki kti dei langær wei wow yajngai uwi na uwi ha waroh ki por.
Kam chibynta kani ka yalang, ki Officer In-Charge da ya khana ki ya iwa chem wa maad ki deilang wa ki wakreh heipor wa yaleh pyrchah ki ya ka khlam COVID-19.
Ha kani ka sngi da saam leh ya ki ‘Appreciation Certificates’ da ka Commissioner and Secretary cha ki wakreh ya ki kaam wa yatoh wa u COVID-19 wei da pynlait leh yaka phlim Documentary Video kawa pynyoo yei pynkhreh wa i yaleh pyrchah ya u COVID-19 ha East Khasi Hills District, da pynlait leh yaka kot Coffee Table Book kawa e pyrtuid “Taming the Panic” kawa pynyoo yei yaleh pyrchah da ki bor District pyrchah ya u COVID-19.
