Jowai: Kam chi bynta wow hikai wei wow pynchlur ya ki khynnah wa emsap, ka Khasi Students’ Union Mawryngkneng Circle da pynman ko ya ka yakop Thoh Essay wa ka yakop Painting Competition haka 9 tarik uni u bnai.
Ya kani ka yakop da pynman ha 7 Hut Orchid Hotel, wei ki wa jop haka thoh Essay toh u Arlesstar Kharsati yei naam wa ar toh ka Riakor Kharsunai katwa yeiwa le nawon ka Dawanbiang Mawthoh.
Ha ka yakop Painting Competition nawon da yoh yei naam wa nyngkong da yoh u Armiki War iwa bood yei naam wa ar toh u Wecomstar Mynsong wa i naam wa le da yoh da u Pynbor Mukhim.
Kam ka dak wow sah kynmoo ya u bru wa khroo yong ka jaitbru khian paaid ka jylla u Pa’iem Wickliff Syiem u Syiem Khynnah ka Hima Nongstoiñ ha kani ka sngi ka seiñ da pynman ko ya ka pynkupburom cha ki 17 ngut ki khynroo khyllood wa pass bha ha ki exam yong ki nadooh ka SSLC, HSLC wa kiwi kiwi.
Heijooh i por da pynkup burom leh ya u Dr. Rokestar Kharbihkhiew uwa da pyndep ya ka PHD na NEHU, Library Information Science wa ya ka Basukshisha Kharbithai kawa da yoh yei naam wa nyngkong kam ka Judicial Magistrate na ka chnong Mawryngkneng
Ha kani ka sngi u Shiningstar Kharbihkbiew uwa man leh kam u General Secretary ka seiñ da pyllai u ya ka yalang wei da yoh yei klam na u Reallystar Nongspung uwa man kam u President u Vincent Makri CEC Member cum Incharge Eastern Central Unit, ka Wealthy Nongpluh kawa man kam ka Principal ka Mawryngkneng Higher Secondary School, u Pyniaid Sing Syiem MDC Sohryngkham Constituency wa kiwi kiwi.
Discussion about this post