Jowai: Wow tip ki kynthai wow yada pyn da ki ya ki hi khamtam ha kini ki sngi, ka Akhil Bharatiya Vidyarthi Parashad (ABVP), Jowai lyngba ka phang krehkaam yong ka kawa tip kam ka “Mission Sahasi” da pynman ko ya i e sikai neibynta ki kynthai wow ye ki u yaleh pyrchah kiwa thmu wow leh khlemakor ya ki wei kammon wow lait ki heipor wa ym em wa yarap ya ki.
Ka ABVP ha uni u bnai da lai ko cha ki skur wa em hapooh ka jylla wow e ya kani ka sikai wei da pynkut ya ka ynne ka sngi ha Kiang Nangbah Stadium, Ladthadlaboh Jowai hei emlang u SP ka West Jaiñtia Hills District, u Lakador Syiem kam u kongsan, u Dolloi ka Elaka Jowai u Puramon Kynjing wa u Principal ka skur NLHSS u Richard Uriah.
Ya ka esikai da e da ka Sweetylin Nongdhar naka chnat pulit wa u Hameshaniah Suiam wa ki lok yong oo kiwa yalehke Kickboxing.
Ha chwa wow e ya ka sikai ya ki khynnah da em chwa ka yalang wa pynlai daka EF Gatphoh wei ya ki kyntien pdiang burom da yoh naka Jerina Lamare ka dkhot yong ka ABVP kawa man leh ka President yong ka Kiang Nangbah Government College Student’s Union (KNGCSU) wei ya ka bynta wa kut ka Ivakordor Suchiang Convener Mission Sahasi, Jowai da pachat ko ya ki kyntien e khublei.
Discussion about this post