Ki ar Montri Rangbah, u Conrad Kongal Sangma wa u Himata Biswa Sarma da chim ki ya ka rai wow pynkut noh ya ki Judicial Commission kawa da dep thung da ki ar jylla yow takit hajrong i chah siat yap ki 6 ngut ha ka chnong Mukroh ha u Khonchonglad (Nov) ynnin u snem. Ya kani ka rai da shim ha ka yalang pynbait pood ki ar jylla kawa da pynman ynne ka sngi ha Guwahati.
Hawa klam wa kiwa thoh khubor, u Montri Rangbah ka Assam da ong u wa da rai wow pynkut noh ya ki Judicial Commission wei heithaw kini daw kyrpaad wow takit noh da ka Central Bureau of Investigation (CBI).
Chooh chooh da khana u wa ki ar jylla daw booh ki yei kyrpaad cha ka CBI wym toh wow ujor ya ka Case ha Shillong næ ha Guwahati, tangwa wow leh yeini cha baar kini ki ar jylla iwa ye u man ha Delhi næ Kolkata khnang wa ka CBI u ye ko wow takit khlem da em i leh chiliang.
U Himata da ong u wa i daw wa pynkut noh ya ki Judicial Commission toh hadien wa da yoo wym em i ya krehlang kiwa sakhi neibhah manda khut da ka Commision ka Meghlaya kiwa na Assam ym bien ki wow wan wei manda khut da ka Assam kiwa sakhi na Meghalaya ym bien ki wow wan.
Kam wow pynkynmoo wa hadien wa chah siat yap ki 6 ngut ha Mukroh (5 ngut kiwa na Meghalaya) ha ka 22 tarik u Khonchonglad (Nov) 2022, neiliang ka sorkar Meghalaya waka sorkar Assam da thung ki da jar jiar ki Judicial Commission heiwa ya ka Assam da khlieh da ka Justice (Retd) Rumi Kumari Phukan kawa da dep wow e kti ya ka Reoprt yong ka cha ka sorkar Assam ha ka 20 tarik uni u bnai katwa ya ka Judicial Commission yong ka Meghalaya da khlieh da u Justice (Retd) T. Vaiphei uwa da pynkhreh wow e kti noh ya ka Report ha u Khonchonglad (Nov) uni u snem.
Discussion about this post