I lehkmen Silver Jubilee ka skur Thadlaboh Presbyterian Higher Secondary School Jowai kawa da sdang nadooh ka 7 tarik u Naisaphra uni u snem dapoi noh ko cha wakut ynne ka sngi haka yalang wa da pynman ha pchem kani hi ka skur hei emlang u Rev. S.D. Mynso kam u kongsan, u Brightstar Chyrmang, MDC Jowai North kam u symbood kongsan najrong kiwi won kiwa yahkhmat ka Balang Presbyterian Thadlaboh wa kiwa chah khut sñiawbha.
Neiliang u Rev. S.D. Mynso hawa klam da pynsñiaw u ya ki yurim wa emkaam u ksoh heiyatoh wow pynlai bait pynlai ryntih ya kani ka skur kamjooh leh iwa yatoh wei rukom im ha samen samen, itæ toh wow booh nyngkong dooh hakhmat yow Blai neibhah iwon iwon wa em næ iwon iwon iwa jop hei lai luti i im leh toh lyngba i kyrkhu u Blai.
Neitæ toh u pynemkaam hok yaka laad ka kabu wa yoh la hei puræ puthi, i khih i kreh wa kiwi, najrong wow pynemkaam hok yei por wei u em leh i mynsien angnood wow leh yeiwa bha tam ha iwon iwon i kaam.
Kyntu haroh u ya ki khynnah skur wa manda mih ki neini toh u booh ki ka thong wow leh iwa bha tam namo u wanrah yei pynphær wei pynkylla. Wei kam kiwa sikai leh toh u pait bniah ki heiwon i rukom u wanrah yei sikai wa rap phær. Neitæ won kam ki bru wa dang emkaam u yoh yei tip i chemphang hei lai luti yong i im, emkaam u lehbha ha iwon iwon i bynta hawa im i.
U symbood kongsan u Brightstar Chyrmang hawa e yei klam yaroh u yei lai luti kani ka skur hei wow e chakri lyngba i tip i stat yaki khynnah na kylleiñ ka Ri-loom Jaiñtia.
Wei ong u leh ha ki skur Mission wa kam kini iwi wa rap phær wa chem u toh wa em ki yaka Subject Moral kawa sikai heiyatoh i akor burom yow tip u burom ya ki waheh wasian, ka bei u pa wei yarap bha ko u tei yei rukom im wa miat wa bha ha ki khynnah.
Haka yalang wa pynlai da u Tbn K. Kyndait, u Rev. S.D Mynso da pynlait paidbah haroh u yaka kot Souvenir yong ka skur wei da yoh i chaad, i rwai wei puræ naka ktien u Blai wei duwai wa kiwi de.
Discussion about this post