Kawi ka kynthai wa dang 18 snem da pynkut ko yei mynsien ko ha Kota, Rajasthan kawa man leh kawa dang pynkhreh wow yaleh yaka Joint Entrance Examination (JEE), wei da leh ko yeini deiwa pasi wei ini da man i i sien wa ar wa da jia kamni ha Kota ha uni u bnai.
Kani ka khynnah kawa na Borkheda, Kota da pasi ko pyn hapoh i yung wa sah ko heiwa neiliang kiwa ha-yung ko da ye ki wow li yah smat ka cha Hospital tangwa da khlaad chwa ko.
Ki pulit da chem ki leh yaka chithi wa da thoh kani ka khynnah chwa wow pynkut ko yei mynsien kawa da ong, “Mummy papa I can’t do JEE so I Suicide. I am loser. I worst daughter. Sorry mummy papa. Yahi last option he.”
Kani ka khynnah toh kawa sah lang wa u pa ko uwa kreh ha Bank wei da hap yaleh biang ko yaka Class-XII neidaw wym em lebha ko hei sien wa nyngkong wei da ban sa i hap pynkhreh ko ya ki Competitive Exam.
Ha ka tayaaw wa dep da em sa uwi uwa da pynkut yei mynsien uwa dang pynkhreh yaka National Eligibility Cum Entrance Test (NEET) heiwa uni leh da pasi u ya idæ.
Uni uwa 18 snem i rta da pasi u hapoh ka Hostel wa sah u ha Kota wei da wan u cha Kota yow yoh Coaching NEET.
Ka chnong Kota toh kawa em boon bha kiwa pynut yei mynsien kiwa man kam ki khynnah wa wan lai leh Coaching ya kiwa boon ki jait Exam ha kani ka chnong heiwa ynnin u snem da em 29 ngut kiwa da leh yeini i jooh i kaam.
Da antaad wa da em kamwa 2.50 lak ngut ki khynnah wa wan na baar yow lai leh Coaching ha kani ka chnong.
Discussion about this post