Jowai: Ki pulit ka West Jaiñtia Hills District Executive Force (WJH-DEF) ynne ka sngi da pynkut ki yei lai e sñiawbha ya ki kymmor kam chibynta ka chakri yaka imlang sahlang wei wow lehkmen Christmas kamjooh deiwa saam biang ya ki kymmor ha chnong Wahrymbai kawa haap hapoh ka Ummulong Beat House.
Ini man i leh kam chibynta wow kynjoh yaki paidbah yow em ka sñiaw yajan wa ki pulit da i mynsien Christmas wow e yarap wei da saam 100 tylli ki kymmor cha kiwa chong chnong ka Wahrymbai chynrang wa kynthai.
Da emlang leh u Lakador Syiem, MPS, Superintendent of Police, SI. A.F. Binan IC Ummulong BH, ka Robilla Mylliempdah President ka Seng Manbei Jowai, u waheh chnong, ki dkhot ka chnong wa u General Secretary ka JSU.
Ka WJH-DEF da e khublei ko ya waroh kiwa da yarap wow pynyoh ya kini ki kymmor wei da kyrpaad leh yaki paidbah wow pynneh yaka suk ka saiñ ha kini ki por lehkmen.
Da pyntip wa waroh nadooh wa sdang, da e sñiawbha 800 tylli ki kymmor cha kiwa emkaam ya ki.
Discussion about this post