Hadien soo snem wa chimkit ka Central Bureau of Investigation (CBI) wow takit yei yap u Sushant Singh Rajput, ynne neiliang ka CBI da pynkut noh ko ya kani ka takit.
U Sushant Singh Rajput uwa em 34 snem heipor wa chem wa pasi u ha yung wa sah u ha Bandra, Mumbai ha ka 14-06-20, da pynkhyrngiat i ya ki bru neidaw wa man u u bru wa pawnaam kam u Actor.
Ka CBI da ong ko wa da pynkut yei takit ha ar tylli ki Case kiwa da pynbaad da u pa u Sushant ha ki pulit ka Bihar pyrchah ya ka chan u kawa man leh kam ka Actress, ka Rhea Chakraborty kawa da pynbaad kylla leh ya ka yung ka sem u Sushant.
U pa u Sushant da pynbaad u wa ka Rhea da tooh ko ya ka poisa u khon u heiwa ka Rhea da kyntait ko yeini.
Ka CBI da chimkti ko yei takit na ki Bihar Police ha u Naisaphra 2020 wei da ong ko wa hadien soo snem i takit ym em chem kawon kawon ka sabut wa em kiwa leh tæ poi chei pasi u Sushant, kamtæ ka CBI da pynlait ko ya ka yung ka sem ka Rhea na iwon iwon i suba.
Kam wow pynkynmoo wa ki bru ka Forensic Team na ka All India Institute of Medical Sciences (AIIMS) leh da ong ko wa u Sushant yap u deiwa pasi ymtoh wa em wa pynyap oo.
Hawa chem yei metyap u Sushant ym em chem kawon kawon ka chithi wa ong yei daw wa leh u yeini, tangwa ki pulit ka Mumbai ym em chem ki wa em wa psiah yabor cha ka thaw sah u wei da suba wa yoh kjut diaw mynsien u wa ye u man i daw wa leh u yeini deiwa pasi na ka Fan wa em ha yung u.
Ya kani ka Report ka CBI wa da pynkut ko da lai e cha ka Special Court ha Mumbai kawa kattu u chim rai wa lada da biang næ wow phah takit chooh.
Discussion about this post