Pynkut noh ka HC ya ka mukotduma ka Krangsuri deiwa phah ya ka JHADC wow pynbait yei yakajia

Ka High Court ka Meghalaya ynnin da pynkut noh ko ya ka mukotduma yaknieh pynlai ya ka Krangsuri hadien wa da yoo hun yei pynkrehkaam ya ki hukum wa dadep pynmih kani ka yung bichaar.

Neiliang u muktiar da pyntip u cha ka yung bichaar wa ya ka Krangsuri da chimkti u pynlai da ka District Tourism Promotion Society wei da man ko kawa lai bait wei kitu kiwa wan pynthut kiwa yaleh pyrchah leh da mih ki na ka thaw wa pynman yakhih ki.

Ka High Court da phah ko leh ya ki soo kur (Buam, Surong, Khyriem, Sumer) kiwa da yaknieh wow pynlai ya kani ka thaw wow lai yasaaid ki hakhmat ka Executive Committee ka Jaiñtia Hills Autonomous District Council (JHADC) yow pynbait yeiwa yakajia ki.

Related posts

Rs. 2 lak e yarap ka sorkar cha ka Sanfida Nongrum kawa man ka kynthai wa nyngkong na Meghalaya wa yoh u thap kool ha ka AFC Women’s Asian Cup

March 7, 2026

Daw synraan ka US Navy ya ki jhaad kit phniang ha Strait of Hormuz

March 7, 2026

Da phah leh ya ka Executive Committee ka Jaiñtia Hills Autonomous District Council wow pynbait tarik yow e laad ya waroh wow pynsñiaw yeiwa kwah ki deilang wa wanrah ki sabut yow ye u bichaar deiwa bood ya ka dustur riti.

Yeini da toh u pyndep u pynbait ka JHADC hapoh 6 bnai wei wow phah Notice cha waroh kiwa embynta hapoh 15 sngi nadooh wa pynmih ka High Court ya kani ka hukum.