U khynnah wa puræ Class 10 ha kawi na ki skur wa bna naam ka Delhi da pynkut u yei mynsien deiwa kynthiar najrong ka Metro Station deiwa thoh leh ya ka chithi wa ong wa leh u yeini neidaw kiwa sikai skur. Neiliang u pa uni u khynnah wa dang 16 snem da booh FIR u pyrchah ya le ngut kiwa sikai deilang u Principal neidaw wa joor pyndik ki ya u khon u hadooh wa chim u yei mynsien yong oo hi.
Katkam ka FIR wa da booh ynnin ka sngi, da ong u wa uni u khynnah da mih u na yung heipor 7:15 i step wei da yoh Phone u pa u heipor kamwa 2:45 i sngi wa u khon u da mynsoo u ha Rajendra Place Metro Station ka Central Delhi heiwa da phah ya uni uwa Phone wow kit oo cha BL Kapoor Hospital tangwa kat u poi heini da pyntip cha ki wa da khlaad noh u.
Uni u khynnah da kynthiar u najrong ka Platform ka Metro Station wa em hajrong wei katkam wa ong u pa u, da chah maham u ha kiwa sikai la soo sngi wa daw chah beh skur u wei daw e ki leh ya ka Transfer Certificate.
Da pynbaad leh wa heipor ka Drama Class, u khon u da pat u wei da chah klam beiñ u ha uwa sikai ka skur deiwa ong wa leh chynnam wei da tim u oo hadooh wa yaam u wei da ong leh wa u Principal emlang u heipor wa jia ini waroh.
Da pyntip leh wa nachwa dadep wow ujor pyrchah ya kini kiwa sikai tangwa ki bor ka skur ym em leh ki iyi iyi leh.
Ya ka chithi (Suicide Note) da chem napoh ka muna uni u khynnah heiwa da thoh leh yei Phone Number yow Phone kiwa chem oo deiwa paan maap yeiwa leh u wow pynsñiaw ya ka yung ka sem heiwa da thoh u leh yei pyrtuid kiwa sikai skur wa u Principal.
Ynne won da mih ki paidbah wow lai pynman yakhih ha kani ka skur wa tip kam ka St. Columba’s School yow dawa pynchitom ya kiwa embynta wow pyndik ya uni u khynnah.
Discussion about this post