Pynkylla ka sorkar ya ki kyndon leh Test ya kiwa yachem wa kiwa yoh COVID-19

U Sampath Kumar, IAS uwa man kam u Commissioner & Secretary ka chnat Health & Family Welfare Department ka sorkar Meghalaya, ynne da pyntip u wa da pynkylla ya ki kyndon leh Test kamjooh i mih Hospital ki High Risk Contact namo kiwa em hei maa kiwa yajan wa kiwa yachem wa kiwa yoh COVID-19.

Kani ka hukum wa dang pynmih da pyndam ko yaka hukum wa pynmih haka 08-05-2020.

Ki kyndon thymme man ki kamni ha wah:

Ya waroh ki High Risk Contact toh u Test ya ki pyn haka sngi wa yachem ki wa kiwa yoh COVID-19 lane hadien 5 sngi deiwa leh daka RT-PCR Test.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Lada chem wa yoh ki ya u COVID-19 namo man Positive ki, hap wow bood yaki kyndon wa da em heiyatoh wa kiwa yoh ya uni u khñiang, deiwa Test biang sa chisien hadien 10 sngi wa leh Quarantine deiwa leh daka RT-PCR/CBNAAT/TrueNat.

Lada hadien wa Test da chem wa dang em bait ki ya uni u khñiang, hap wow Test biang yaki man ka 2 sngi hadooh wa chem chisien wa da man Negative ki daka RT-PCR/CBNAAT/TrueNat. Daw hap won ki hadien wa pyndep yaka Quarantine wow pyntip lada yoh ki yaki dak ki chin wa chitom cha kiwa jaan dooh ki thaw sumaar/ANM/ASHA wei hap ki wow bood ya waroh ki kyndon wa da phah leh.

Lada man Negative won nadooh wa Test nyngkong wei ym em ki dak ki chin wa chitom, daw hap ki wow leh yaka Home Quarantine wa 10 sngi wei hadien kini ki 10 sngi leh ym em yoh ki ya kiwon kiwon ki dak ki chin wa chitom, daw hap won ki wow pait hi yei long i man yong ki wei wow pyntip lada yoh ki kiwon kiwon ki dak ki chin wa chitom cha ki thaw sumaar wa em chajan dooh lane cha ki ANM/ASHA wei hap ki wow bood yaki kyndon wa da phah ya ki.

Lada nadooh wa Test nyngkong man Negative ki tangwa em won ki ki dak ki chin wa chitom, daw hap Test biang daka RT-PCR.CBNAAT/TrueNat.

Lada man Positive ki hadien wa Test biang, daw hap bood ki jooh ki kyndon kam kitu kiwa man Positive. Lada man Negative hadien wa Test biang daw hap ki wow pait hi yei long i man yong ki wei wow pyntip lada yoh ki kiwon kiwon ki dak ki chin wa chitom ki cha ki thaw sumaar wa em chajan dooh lane cha ki ANM/ASHA wei hap ki wow bood thij yaki kyndon wa da phah ya ki.