Ka sorkar Meghalaya da pynkylla ko yaka hukum ka chnat Health & Family Welfare Department heiyatoh wa ki kyndon namo ki Standard Operating Procedures (SOP) kiwa toh u bood ya kitu kiwa psiah chapoh Meghalaya.
Waroh hap ki wow pyntip chwa deiwa leh yaka Pre-registration deiwa lai haka website http://meghalayaonline.gov.in/covid/selfregistration katwa ya kitu kiwa ym em leh yaka Pre-registration hap ki wow Register heipor wa psiah haki Entry Point lyngba ka Web App (https://coronamegh.cdfi.co.in).
Waroh kiwa psiah lyngba ki Entry Point daw thaw chit chwa yaki deiwa pynemkaam da ki Infrared Thermometer lane ki Thermal Scanner, daw Test yaki leh daka Rapid Antigen Test Kits wei daw chim yaka nongmuna (Sample) pyn haka Entry Point wei yaki Sample ye leh wow chim ha ki thaw wa leh ki yaka Quarantine haki jar jiar ki District wa em ki.
Lada chem wa ym em yoh ki ya u COVID-19 daw chah u lai ki cha yung yow leh yaka Home Quarantine tangwa lada chem wa yoh ki ya u COVID-19 daw hap bood yaki kyndon wada pynmih chwa.
Waroh kiwa leh yaka Quarantine hap ki wow leh yaka 14 sngi ha ki thaw wa da pynkhreh daka chnong, kamjooh kiwa da pynkhreh daka sorkar deiwa pynemkaam leh yaka Home Quarantine Diary. Ya kitu kiwa da dep Test wei ym em chem wa yoh ki ya u COVID-19 wei hadien wa pyndep ki yaka 14 sngi ka leh Quarantine, daw chah u lai kreh biang ki deiwa ym hoi u dam u deiñ yaki Mask, u sait khooid yaki kti wei wow yajngai 6 Feet na kiwi.
Ya kiwa leh yaka Home Quarantine daw wan pait yaki daka District Surveillance Team kamjooh daka Community COVID Management Team (CCMT).
Kiwa leh yaka Home Quarantine daw hap ki wow pyndap man-ka-sngi yaka Home Quarantine Diary deiwa thoh yei long i man yong ki kamjooh yong kiwa hayung hasem yong ki wei lada chem ki wa em kiwon kiwon ki dak ki chin ha kiwon kiwon kiwa hayung kamjooh haki samen wow ptyntip ki wut wut cha u 108 lane cha ka District Helpline Number wa da booh hapoh ka Diary.
Ki Community COVID Management Team daw lai pait ki ya kiwa leh Quarantine man-ka-sngi wei deiwa pynemkaam yaka Web App (https://coronamegh.cdfi.co.in) kawa em ya u GPS, daw ye wow booddien yei lai i wan ka COVID Management Team yow pyntikna leh wa lai ki cha kawi pa kawi ka yung.
Ya kiwa kiwa leh yaka Quarantine kiwa em ki dak ki chin wa chitom daw Test yaki daka RT-PCR.
Ki dkhot ka CCMT daw lai pait ki leh kammon man i pyrkhat pyrdaiñ kiwa leh Quarantine lada man ki kiwa chngaaiñ wei wow ya syllok lada emkaam ki.
Hawa pait yaki dak wa em i chitom, toh u pait leh ya em kiwa yoh kjut Measles-Rubella, SARI wa ILI.
Yaka Phone Number kiwa psiah chapoh ka jylla daw pynemkaam yow booddien yei lai i wan yong ki wei lada em kiwa tyngkheiñ yaki kyndon ka Quarantine daw yoh ki yaka maham lyngba ka SMS.
Ya kitu kiwa yoh yaki dak ki chin wa chitom hadien ka 14 sngi, daw Test biang yaki daka RT-PCR wei ya kitu kiwa chem wa yoh ki ya u COVID-19 daw leh katkam ki kyndon wa da booh chwa ka sorkar.
