U Director of Health Services (MCH&FW) Cum Joint Mission Director National Health Mission, ka sorkar Meghalaya da pyntip u wa hadien wa da chem da ki stat sayan kamjooh kamwa da leh hapoh ka pyrthai, ka Standing Technical Sub Committee (STSC) yong ka National Technical Advisory Group on Immunization (NTAGI) da pynkylla ko yei por wa hoi u chim yei tika pynkhlan hadien i tika wa ar naka 9 bnai namo 39 tayaw cha ka 6 bnai lane 26 tayaw.
Kamtæ kiwa da em 18 hadooh 59 snem ye ki wow lai chim yei tika pynkhlan (Precautionary Dose) ha ki thaw e tika ki bru samen namo ki Private Covid Vaccination Center (CVC) ka Woodland Hospital. Ha ki CVC ka sorkar ye wow chim du ki wareh hei chait i khiah, ki Front Line Worker wa kiwa em 60 snem chaneiñ dei mynkna.
Yeini i pynkylla da leh leh hapoh ka CoWIN yow ye u pynsuk ya ki bru.
Kamtæ da pynchlur ya ki paidbah wow lai chim smat ki ya ini i tika yow yada ya idæ kamjooh kiwa hayung hasem na u khñiang khlam COVID-19.
