Ka sorkar Meghalaya da mynjur ko wow pynkylla pyrtuid noh ya ka chnat Labour ka wow tip noh kam ka Department of Labour, Employment and Skill Development.
U Montri Rangbah, u Conrad K Sangma hawa pyntip chaphang ini, da ong u wa ka chnat Labour pait ko ya iwa boon i jait nadooh i e sikai yow yoh khih kamjooh ki kaam e khih.
Kamtæ da ong u wa sñiaw yahaap wow pynkylla pyrtuid yow yahaap leh wa ki kaam wa yaar wa em hapoh kani ka chnat katni nadooh ki Skill Development wa kiwi kiwi.
Ha iwi won i liang, ka sorkar da mynjur ko leh yaka Meghalaya Fiscal Responsibility and Budget Management Act, 2006.
Ya ini da leh hadien wa ka sorkar India da chah ko ya ki sorkar jylla wow pynku ya iwa hoi u chim ram iwa chong ha ki kaam wa pnykreh ha jar jiar ki jylla ha chi snem.
U Conrad da pyntip u wa ynnin u snem ki kreh wa da wanrah ka sorkar yow pynthymme ya kiwa boon ki chnat sorkar da chah wow pynku ya ka mang tangka deiwa da ye u chim pyntam sa 4% ka poisa wei ha uni u snem daw ye u pyntam sa .5% wei ya kani ka aiñ daw hap wow pynkylla man-u-snem lyngba ka Ordinance.
Da ini i pynku, iwa ye u chim ram naka sorkar pyrdi da man ko kamwa Rs. 400 klur.
Discussion about this post