Ka DC ka East Khasi Hills da pynmih hukum ko wow pynkylla yei rukom wai ki yaw wa ki dukan hapoh Shillong wa kynthup ya ki dukan dai kiad.
Waroh ki yaw dai yonglang namo ki Whole Market wa em ha Cantonment, Mawlong Hat wa Paltan Bazar u man ki kiwa khang ha ka 24 tarik uni u bnai. Ini u kynthup ko leh ya ka yaw dai jhoor, ka yaw ki warep namo ka Farmer’s Market wa em ha Anjalee Parking Lot leh u man ko kawa khang ha ka 24 tarik.
Waroh ki dukan wa em ha sor Shillong wa ha khapsor leh u man ki kiwa khang ha kani ka 24 tarik katwa ki dukan wa em hapoh ka Zone-III (Pasteur BH Area), Zone IV (Lumdiengjri Area) wa Zone-VII (Mawlai) kiwa toh u wai ha ka 24 tarik, ye ki wow wai noh ha ka 23 tarik.
Ki dukan dai kiad (Wine Store, Bonded Warehouse wa Canteen) kamjooh ya kiwa leh Home Delivery yei kiad ha sor Shillong wa cha khapsor u man ki kiwa khang ha ka 24 tarik. Tangwa ki Wine Store wa em hapoh sor Shillong wa khapsor kiwa da booh wow wai ha ka 24 tarik, ye ki wow wai noh haka 23 tarik.
