Ka sorkar Meghalaya da pynkylla ko ya ki pyrtuid sarok wa ki chnong i wow krehkaam chisyndon iwa da pynbna da ka Commissioner & Secretary ka sorkar Meghalaya, General Administration Department.
Ki karok/chnong wa da pynkylla pyrtuid man ki kamni ha wah:
Harisabha Road, Laban u tip noh kam ka Bhaskar Choudhury Road, ka Dong Gordon-Bhagyakul wa em hapoh Laitumkhrah u tip noh kam ka Lum Tngen Jai, ka chnong Wahliewlong (N) u tip noh kam ka Wahliewlong, ka chnong Mawlaisyiem (N) u tip noh kam ka Mawlaisyiem, ka Nobosohphoh Syiemship, Mawlaisyiem (M) u tip noh kam ka Mawlaisyiem, Myriaw Syiemship.
Ka Hopkinson Road Lachumiere u tip noh kam ka Martin N Majaw Road, ka Jackson Trace Bridge Road hadooh Ajajhur Bridge (Dhobighat) Lower Lumparing u tip noh kam u Brojen Mawlong Road, ka Sacred Heart School Road hadooh Dong Pdeng Road Lower Lumparing u tip noh kam u P L Nongpiur (Bah Bing) Road, ka sarok nadooh na Wah Tashaid hadooh Dong Mawnei Lower Lumparing u tip noh kam ka Tendro Ryntathiang Road, ka sarok nadooh na (L) Glorymai Lyndem lyngba ka St. John Church/Unitarian Church/Nepali Sec. School/Kench’s Trace/Wah Sohkhlur hadooh Laban Assamese H/S School u tip noh kam ka Babu Hajom Kissor Sing Nongbri Road, u sarok nadooh na Mawbynna (Upper Laban) hadooh Riat Laban u tip noh kam u Phinton Mylliemngap Road.
U sarok nadooh Nandi Ram Lane Madan Laban hadooh Assamese Namghar da pynkylla cha ka Nomiwell Rynjah Road, u sarok nadooh Manik Road Madan Laban lyngba i yung ka Mih Rynjah hadooh Riat Laban, Kynjat Phutbol u tip noh kam u Dennis Dunn Road, u sarok na Madan Laban Bridge lyngba i yung ka Tngen Rynjah hadooh i yung u (L) Hamlet Rani u tip noh kam u Moshondro Roy Road, u sarok nadooh na Unitarian Church (Roman Road) Madan Laban hadooh u sarok PWD Kench’s Trace Road u tip noh kam u Brington Mylliemngap Road.
Ya u sarok nadooh na yung krehkaam u Superintendent of Police, East Khasi Hills, Shillong hadooh wa poi cha Police Headquarter, Shillong u tip noh kam ka Raymond Diengdoh Road, u sarok nadooh Main Gate cha Shrimanta Sankardev Cultural Centre Bishnupur, Shillong hadooh ka Exit Gate ka Shrimanta Sankardev College u tip noh kam ka Saint Sankardeva Road, u sarok nadooh Sacred Heart Secondary School, Lumparing hadooh Dongsiej, Lower Lumparing u tip noh kam ka Sacred Heart Road, u sarok hapoh ka Dorbar Chnong Kenches Trace, Oxford Hill wa Rilbong (KOR) nadooh i thaw diang um (Water Filling Point) ka Shillong Municipal Board, Harrison Bridge hadooh Last Stop hadooh Oxford Taxi Stand (Sanlad Bishnupur junction) u tip noh kam ka Daplin Star Mawlong Road.
Da pynbait leh yei rukom bakla yei thoh pyrtuid ya ka dong Nongmynsong cha Nongmensong.
