Lyngba kani ka khubor, neiliang yong ka Dorbar Chnong Ialong sa chisien pyntip ko cha waroh nadooh ki tre chnong, ki para jan chnong kamjooh ya kiwa na jngai, wa da khang pyrchah wow wan uiñke u lai khwe wa u wan chapoh chnong khlem kiwon kiwon ki kaam hapoh u pood u ang yong ka chnong kat wym pu kut kani ka Lockdown kat wym pu e yutip daka Dorbar Chnong Ialong deiwi tawan.
Lada chem ya kiwa tyngkheiñ ya ini wa da pynbna, neiliang yong ka Dorbar Chnong Ialong u pynchitom ko katkam ka kyndon chnong heijooh i por deiwa ekti syndon cha ki bor yong ka aiñ.
Ka chnong da pynkynmoo ko ya kiwa lai khwe, ki warep kamjooh ya kiwa uiñke wa katakam ka khubor wa da pyntip ha ki bnai wa dep, neiliang yong ka chnong da yoo ko chiboon kiwa leh pyrchah, kamtæ ha ini i por da kyrpaad ya waroh wow ya krehlang sa chisien neibynta kani ka Lockdown yow man ko kawa jop.
Sa kawi ka pyntip toh wa kiwon kiwon kiwa dai khutia (Retailer) kiwa wan thied yonglang ya ki jhoor ha ka Ialong Lay Bye Market (Wholesale) wow sñiawbha u wanrah lang wa ki kot pynsakhiat na u Waheh Chnong wa man sakhiat ki kam ki Retailer ha ki jar jiar ki chnong yong ki, heijooh i por da khang pyrchah ya kitu kiwa thied khutia wow wan thied ha katai ka yaw katwa dang em kani ka Lockdown.
Ka kyrwoh na u waheh chnong, Ialong.
Discussion about this post