Ka JSU ynne da phah dorkhat ko cha u Montri Rangbah ka jylla, u Conrad K Sangma yow pynkynmoo yei dawa pynku kyrdan ya ka Laskein Block cha ka Civil Sub-Division deiwa ong wa kani man ko i angnood ki paidbah da slem bha.
Ka seiñ da ong ko wa kani ka Block toh kawi na kiwa heh dooh wei em ko leh boon ki chnong kiwa em cha kdong bha wei dei wym yoh Sub-Division da chem chitom bha ki bru wow hap lai cha jngai yow pyndep yei kaam i jaam yong ki.
Chooh chooh da ong wa neidaw wa kani ka Block toh kawa em ha khappood wei i boon bru leh da ku bha, da em hok wow pynku kyrdan noh ka yow pynsmat leh yei e chakri cha ki paidbah yow krehkaam ki Scheme sorkar deiwa miat wa bha yow poi ki cha waroh.
Deiwa em da ka Sub-Division daw pynstiñ ko leh yei khia kaam ka District Headquarter wei daw pynman leh yei chakri wa man salonsar, da ong ka seiñ.
Discussion about this post