Pynkynmoo ka Tuber Kmaishnong wym chah u chongdai ha rood sarok ha ka sngi pynkut Behdieñkhlam

Ka Dorbar Chnong, Tuber Kmaishnong kawa man leh ka Headquarter yong ka Seiñ Raij Tuber dei ya krehlang waka Seiñ Raij Tuber da pynkynmoo ko wa da khang ki ya ki bru wa jooh wan chongdai harood sarok pohchnong waroh kawi iwa mut nadooh i liang wa em u Mot U Woh Tep Kyndait wa chapoh chnong leh wei da booh noh da ki thaw ya kiwa wan dai ha madan wa em harood sarok pohchnong ha i thaw wa jooh pteiñ rong ki chnong bri yong ka thaaiñ Phangneiñ.

Kamtæ da kyrpaad ya waroh kiwa jooh wan chong yaaw wow sñiawbha phi u bood yeiwa pynlai ka Dorbar Chnong wei lada chem ya kiwon kiwon kiwa leh pyrchah, ka dorbar chnong u him ko katkam ki kyndon chnong.

Ha kini ki thaw wa chah u chongdai kiwa wan dai yaaw, da booh leh da ki dak wa thoh kamjooh leh ha ki thaw wym chah u chongdai.

Kamtæ da ong ymtoh wa yoobeiñ yei dai yei theid tangwa da em ki thaw wa da booh kyrpang ya phi wei wow sñiawbha phi u ya bood ryntih yei pynlai yong ki VDP chnong khnang wa ha ka 19 tarik ka sngi pynkut ya ka Behdieñkhlam yow lait u em iwon iwon i awri awra hapoh chnong hapoh thaw.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

Lada em leh na pyrdi ki para wa jooh chong yaaw ha kani ka sngi ki wym sñiawthooh wow sñiawbha u yaklam wa u Waheh Chnong næ u General Secretary ka Chnong.