Kini ki por da man sakhiat ki ki por ya lehkmen lehsñiawbha ha chityllup ka chnong ka thaw, heiwa chiboon na ki lok ki jor najan najngai da yawan lehkmen ki hapoh u pood u ang ka chnong Panaliar khlieh-u-snem.
Kamtæ neiliang ka chnong Panaliar, kamwa jooh pynbna ko man-ki-snem wa ymhoi u leh pynsih, u pyntaroi næ u thang kulmar ya ki khloo ki kjam, ki loom ki pdeiñ wa em hapoh u pood yong ka. Kyntu ko ya ki wa wan baamdoh næ kiwa lehkmen cha ki bynta ka Pynthorwah, kiwa em hapoh u pood ka chnong wow bood sakhiat ki ya ki aiñ chnong deiwa ki leh ymhoi u man ki kiwa ya dih pynsih dep tæ noh ya ki klong cha rood sarok. Wym hoi leh u noh taroi ya ki jakhlia jakhlait wa da dep baam doh kat chawa yoh.
Ka chnong ym em u khang ko ya kiwon kiwon ki lok kiwa wan cha ka, tangwa lada yaleh pyrchah won ki ya ki aiñ chnong, ye won ki u chah pynchitom katkam ki aiñ. I wan yong ki lok chapoh ka chnong Panaliar da ka akor ka burom, sñiakmen hadooh kattæ kattæ.
“Khut ya i yakræhlang nadooh ki khon ka chnong hadooh ki lok najan najngai wow yatip i wa ka Rym-aw katwon kordor ko hei im yong u bru. Deiwa leh pynsih, pynjæd i ya ka wei pyndooh nong ko pyn ya i da hi,” ong u waheh chnong, u Riquoma RQ Laloo.
E khublei snem thymme wasuk wakmen ka chnong Panaliar ya waroh, e wa u Blai u kyrkhu lang ya waroh, pynkut ka kyrwoh.
Discussion about this post