Pynlai yumut ka CPA wow yaklam yei ktah ki bor rymaw ya ka thaaiñ North East

Ka yachemlang wa chisien chisnem wa tip kam ka 20th Annual Conference yong ka Commonwealth Parliamentary Association (CPA), India Region Zone III, da sdang ko ya ka sien chong wa nyngkong yong ka ha ka yung Dorbar chna Aiñ ka jylla ha Rilbong, Shillong ynnin ka sngi kawa daw pteiñ hadooh ka 1 tarik.

Ha kani ka yachemlang da em ki khroo pyrkhat wa kynthup ya u Lamphang ka Lok Sabha u Om Birla, u Harivansh Narayan Singh, Deputy Chairman ka Rajya Sabha, u Conrad K. Sangma, Montri Rangbah ka Meghalaya wa kiwi kiwi.

Kani ka yachemlang da yaklam leh hajrong kiwa boon ki phang kiwa ktah ya ka thaaiñ mihnsgi ka ri deiwa booh hakhmat ya i wan ktah ki bor ka rymaw wei kammon u leh hajrong ini.

Neiliang u Montri Rangbah da pachat yumut u wa boon bha heiyatoh wa kini ki phang.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

“Dang ini wadep ha ka G20 Summit on Nature Solves da klam O kammon u chna noh da ka Centre for Climate Change ha ka jylla Meghalaya. Kani ka Centre u man ko kam ka pyrdi wow pynlang yutip neibynta wa yatoh wa i suiñbneiñ wei leh kammon u pynwandur neiynta ka thaaiñ mihsngi yong ka ri,” da ong u Conrad.

Chooh chooh da ong u wa ka sorkar Meghalaya da krehlang ko wa ka North Eastern Space Applications Centre (NESAC), Department of Space yong ka sorkar India wow yoh tip chwa wow wan ka ærlangthari, u chlai um, u pam pyrthat wa kiwi kiwi. 

Ka sorkar da rai ko wow pynemkaam da ki Drone hawa em i chlai um. Da pynkhreh leh ya i krehlang wa ki chnong wow pynkhreh won kammon wow leh hadien wa wan ktah ki bor rymaw. Lyngba ka PMGSY da yoh wow pynyoh sarok hadooh kamwa 4200 Km ha kylleiñ ka jylla. Lyngba ka PM Gati Shakti da ye u pynyabi ya ki thaw wa heh wa man yaaw iwa kongsan bha ya ka jylla. 

Neiliang u Lamphang ka ka jylla, u Thomas A Sangma da klam u hajrong i kongsan yong ka CPA India Region Zone III heiwa i thmu yong ka CPA India Region III wow kyntu ya ki yutip wa yatoh wa ka Riti Synchaar, i yoh i laa wa ka imlang sahlang.

U Lamphang ka Lok Sabha, u Om Birla da ong u wa emkaam wow klam ya i eh i khor wa khroo wei wow thooh ki luti wow yakhun ya ki. Ka sorkar pyrdi wa ki sorkar jylla u krehlang ki wow yoh tip kammon wow yakhun pyrchah ya i ktah ka rymaw ha ka thaaiñ mihsngi. 

Da ong u wa ka thaaiñ mihsngi man ko ka bynta wa kongsan yong ka ri heiwa ka sorkar da yaleh ko wow wanrah ya ki kaam pynroi wei kamjooh leh wow pynyabi ya ka wa kiwi ki bynta ka ri.