Ki chipai ka Indian Army da yarap ki wow pynlait im ya kawi ka manbei wa punkhon ha kawi ka Civil Hospital ha Gurez, Jammu & Kashmir khnang wow yoh ko cha kiwi ki thaw.
Kani ka bru toh kawa em chitom ha i snaam namo Anaemia wei man ko kawa em hapyrdi i chitom wa joor wei da pynkit noh ya ka da ka lieñsuiñ niangkachiah ka Indian Air Force cha kawi tawon ka thaw sumaar.
Ka thaaiñ Gurez man ko kawi na ki thaw wa chah ktah joor bha na i haap yor wei da chah khang lut waroh ki sarok wa ki luti syngkieñ wow poi cha ka.
Kam wow pynkynmoo heini wa ha ka 14 tarik uni u bnai kawi kabru wa punkhon ya kawa da tip kam ka Shamima, da emkaam wow yoh sumaar ko wut-wut (Emergency Hospitalisation).
Ha kani ka sngi kamwa ki chipai ka Indian Army wa em kamwa 100 ngut wa kamwa 30 ngut ki bru paidbah da rah ki ya ka ha ka stretcher hadooh kamwa 4 kynta cha thaw sumaar neidaw wa joor i haap yor wei manda poi ha thaw sumaar da kha ko ya i khon yong ka.
Heiyatoh wa ini i kaam ki chipai Indian Army wot u montri rangbahdooh ka ri, u Narendra da yaroh u ya ki chipai kiwa da kreh palat bar yei kaamram ki wow yarap ya kiwa emkaam ya ki ha iwon iwon i por.
Discussion about this post