U Donald Trump da kam u yei jop hei yaleh Election yow man President ka USA hanla ka Kamala Harris ym pu em bien ko u pdiang yei rem.
Hawa e yei klam jop ha West Palm Beach, Florida, u Donald Trump da ong u wa u Blai da pynlait im u oo toh wa em i daw yow chah jied u wow yahkhmat biang ya ka America yow man biang ko ka ri kawa khroo sa chisien.
Kam wow kdaw heini wa heipor lai yalap Election u Donald Trump, da chah siat wei da lait im u deiwa toh salit ha ka chkoor u.
Da e khublei u leh ya waroh kiwa kyrchaan ya oo kiwa da chna ya ka parom wow sah kynmoo hapoh ka ri deiwa ye ki u jop ya waroh ki moochynthut wei ini i jop toh i wym jooh em yoo kamni.
Da kular u leh wow yaleh neibynta ka America wei ym chong ngiah u kat wym pu man ko kam ka ri kawa khlan, kawa chngaaiñ wei kawa mahajon.
Ini i jop suk u Donald Trump toh iwa da khlem poi pyrkhat heiwa chwa wow thap thap Vote waroh ki laad pathai khubor da ong ki daw yathaiñ bha ka yaleh.
U Donald Trump daw man u kam u President wa 47 ka America wei daw man u kam uwa nyngkong dooh u President wow jop biang hadien wa rem i wym pu em jia da palat 130 snem.
Ka Republican Party u Trump leh da jop ko ya ka Senate.
Discussion about this post