Ki chipai ka Indian Coast Guard wa Indian Navy da pynlait im ki ya 24 ngut ki bru wa kreh ha ka jhaad kit mar (Cargo Ship) na Liberia chwa wow ngam ko ha duriaw ynne ka sngi.
Ka Indian Coast Guard da ong ko wa waroh ki 24 ngut kiwa kreh ha ka jhaad na ri Liberia kawa pyrtuid MSC ELSA 3 da ye wow pynlait ki heiwa ya ki 21 ngut da pynlait da ki chipai ka Coast Guard katwa 3 ngut won da ki chipai na ka jhaad ka Indian Navy, ka INS Sujata, wei kani ka jhaad kit mar da ngam ko ynne i sngi.
Kani ka jhaad da ngam ko ha duriaw hajan ka jylla Kerala, wei da kit ko 640 tylli ki daba namo ki Container, wa kynthup ya 13 tylli ki daba kiwa kit ya ki tiar wa maa (Hazardous Cargo) wa 12 daba wa kit Calcium Carbide.
Ka MSC ELSA 3 kit ko leh palat 84.44 Metric Ton i Diesel wa 367.1 Metric Ton i phniang jhaad.
Discussion about this post